Careers MN

Хэрэв та эрч хүчтэй, дэвшилтэт, хүртээмжтэй хэнийг ч үл ялгах ажлын байр хайж байгаа бол таны эрэл зөв замдаа оржээ.

Манай агентлаг нь ажилчдадаа үзэл бодлоо чөлөөтэй илэрхийлэх боломжийг бүрдүүлээд зогсохгүй хүн бүр өөрийн түүхээ, туршлага мэдлэгээ бахархалтайгаар хуваалцаж олон ургалч үзлийн нэгэн хэлхээ болох таатай орчныг хэдийн бүтээсэн хамт олон.

Бид багийн гишүүдийнхээ өсөлт хөгжилтөд тогтмол хөрөнгө оруулж, хурдацтай хувьсан өөрчлөгдөж буй технологийн эринд хэрэгцээт техник хэрэгсэл, тэргүүлэх аргачлалуудыг байнга нэвтрүүлдэг юм.

Манай сургалт, хөгжлийн хөтөлбөрүүд нь ажилчдаа итгэл дүүрэн, тэргүүлэх зэрэглэлийн манлайлагч болоход чиглэдэг. Ийм ч учраас ажилчдын маань санал бүхэн манай байгууллагын соёлын нэг хэсэг болдог. Амжилт бүрийг урамшуулж, илүү өндөрт хүргэхийг бид алхам тутамдаа хэрэгжүүлдэг соёлтой.

Ажлын таатай орчин, байгууллагын эерэг соёлыг бүрдүүлэхэд бид онцгойлон анхаардаг. Таны хаанаас ирсэн, хэн байснаас үл хамааран өсөн дэвжих, өөрийгөө нээх өргөн боломжийг бид олгоно.

СУРГАЛТ ХӨГЖИЛ: Мэргэжлийн өсөлт хөгжил, манлайллын ур чадварыг нэмэгдүүлэхийн тулд бид компанийн ажилчдад нээлттэй олон төрлийн цогц сургалтыг санал болгодог. Эдгээр сургалтын хөтөлбөрүүдээс дурдвал:

М-Си-Эс Академи: М-Си-Эс Группийн дотоод сургалтын хөтөлбөр нь байгууллагын бүх түвшний ажилчдад зориулсан мэргэжлийн ур чадвар болон хувь хүний өрсөлдөх чадварыг нэмэгдүүлэхэд чиглэн боловсруулагдсан юм. Зогсолтгүй хөгжиж, тасралтгүй мэдлэгээ хуваалцах зарчимд суурилсан энэхүү хөтөлбөр нь байгууллагын дотоод нөөц бололцоог хувь хүний хөгжлийн хурдасгуур болгох хөшүүрэг болдгоороо онцлог.

МАНАЙХАН: Манай компанийн багийн төлөөх чин сэтгэл бидний бусдаас ялгарах онцгой шалтгаан. Нэгнээ гэсэн найрсаг дулаан уур амьсгал нь эгэл жирийн бус мартагдашгүй дурсамжийг бүтээж илүү дотно, илүү хүчтэй багийг бүрдүүлдэгт бид итгэдэг. Тэмдэглэлт баяр, аялал зугаалга, сургалт хөгжлийн хөтөлбөрүүд гээд олон зүйлээс бид хамтын ажиллагаа, бүтээлч сэтгэлгээ болоод жинхэнэ нөхөрлөлийг мэдэрдэг. Мөн түүнчлэн манай бүх түвшний ажилчид тогтмол хугацаанд манай улсын тэргүүлэх зэрэглэлийн хувийн эмнэлгүүдэд эрүүл мэндийн үзлэгт тогтмол хамрагддаг.

Тэгш, хүртээмжтэй боломжоор дүүрэн өсөлт өөд тэмүүлэх манай аялалд нэгдээрэй. Бид таны хэмжээлшгүй нөөц бололцоог бодит боломжоор хангана.